Missir.is rafrænt gagnasafn um sorgarferli, dauða og erfiða lífsreynslu

Félagið var stofnað 5. desember 1988. Tilgangur félagsins er að auka þekkingu og skilning á alnæmi, og að styrkja smitaða og sjúka og aðstandendur þeirra.
Félagið rekur upplýsinga- og félagsmiðstöð fyrir fólk með HIV og alnæmi og gefur út fréttabréf. Innan félagsins eru starfandi sjálfsstyrktarhópar fyrir aðstandendur og HIV-jákvæða.
Framtíðarverkefni félagsins er að leita nýrra leiða til þess að uppfræða fólk um alnæmi með því að stofna til umræðu-, fræðslu- og stuðningshópa, með fræðslugreinum í blöðum og tímaritum, fræðsluerindum og fræðslumyndum. Ennfremur að efla sjóð félagsins, m.a. með fjársöfnun, til þess að styðja smitaða og sjúka.

Blindrafélagið
Samtök blindra og sjónskertra á Íslandi
Hamrahlíð 17, 105 Reykjavík, sími 525 0000, bréfsími 5250001.

Blindrafélagið var stofnað 19. ágúst 1939. Markmið þess er að vinna að hagsmunamálum blindra og sjónskertra, halda námskeið m.a. fyrir nýblinda og fjölskyldur þeirra, útvega og selja hjálpartæki og veita blindum og sjónskertum félagslega þjónustu.
Blindrafélagið rekur leiguíbúðir og hljóðbókagerð. Þá á félagið Blindravinnustofuna ehf. Félagið gefur út vikulega frétta- og upplýsingasnælduna "Valdar greinar". Einnig gefur félagið út tímaritið "Blindrasýn", sem er vandað tímarit um mál blindra og sjónskertra.
Blindrafélagið rekur sambýli fyrir blinda og sjónskerta í Reykjavík. Blindrafélagið er aðili að sjálfseignarstofnuninni Eir, sem rekur hjúkrunarheimili fyrir aldraða í Reykjavík. Félagið stefnir að því að auka og bæta félagslega þjónustu á næstu árum og auka upplýsingastreymi til blindra og sjónskertra á Íslandi.

Blindravinafélag Íslands var stofnað 1932. Markmið félagsins var annars vegar hjálp til þess að fyrirbyggja blindu og hinsvegar hjálp til þeirra sem voru orðnir blindir. Nú hefur heilbrigðisþjónustan tekið við forvarnarstarfinu.
Blindravinafélagið hefur rekið vinnustofuna Blindraiðn, frá árinu 1933. Blindraskóla rak félagið frá 1933 til 1977 og heimavist í tengslum við skólann. Skólinn var sameinaður grunnskólanuim árið 1977.
Framtíðarverkefni eru, svo sem verið hefur, að veita styrk til dvalarheimila aldraðra til að greiða fyrir dvöl blindra þar. Félagið á m.a. tvö vistrými á Hrafnistu í Reykjavík og aðild að sjálfseignarstofnuninni Eir, sem rekur hjúkrunarheimili fyrir aldraða. Þá veitir Blindravinafélagið þeim sem ætla að vinna að málefnum blindra styrki til náms og kynnisferða.

Félag aðstandenda Alzheimersjúklinga var stofnað 15. mars 1985. Markmið félagsins er að gæta hagsmuna Alzheimersjúklinga og sjúklinga með skylda sjúkdóma og efla samvinnu og samheldni aðstandenda með fræðslufundum og útgáfustarfsemi. Ennfremur að auka skilning stjórnvalda og almennings á vandamálum þessa hóps og stuðla að því að hann fái þá hjúkrun og félagslega þjónustu sem nauðsynleg er í nútímaþjóðfélagi.
Félagið hefur gefið út bæklinga um sjúkdóminn og viðbrögð við honum. Það gengst líka fyrir fundahöldum og fræðslustarfi.

Félag heyrnarlausra
Laugavegi 103, 4. hæð, 105 Reykjavík. Sími 561 3560, bréfsími 551 3567.

Félag heyrnarlausra var stofnað 11. febrúar 1960. Markmið félagsins er að bæta stöðu heyrnarlausra í samfélaginu, stuðla að réttindum þeirra til jafns við aðra og rjúfa félagslega einangrun þeirra með öflugu félagslífi, fræðslu og ráðgjöf. Einnig miðar félagið að því að koma upplýsingum til almennings um heyrnarleysi, menningu og tungumál heyrnarlausra.
Félagið hefur félagsmiðstöð á Laugavegi 26 í Reykjavík.

Félag nýrnasjúkra var stofnað 30 október 1986. Markmið þess er að styðja alla sjúklinga með þráláta nýrnasjúkdóma, og einkum og sér í lagi að vinna að hagsmunum skilunarsjúklinga og nýrnaþega.
Félagið gefur út upplýsinga- og fræðslubæklinga til að auka þekkingu á nýrnasjúkdómum og leiðbeiningar fyrir skilunar og ígræðslusjúklinga.
Margir sérfræðingar halda fræðsluerindi á félagsfundum og veita þannig sjúklingum og aðstandendum þeirra þýðingarmiklar leiðbeiningar.

Foreldrafélag misþroska barna
Laugavegi 178, 2. hæð í Reykjavík. Sími félagsins er 581-1110 og bréfasími er 581-1111.

Foreldrafélag misþroska barna (FFMB) var stofnað í apríl 1988. Markmið FFMB er að vera stuðningssamtök foreldra og aðstandenda barna með athyglisbrest með ofvirkni, misþroskavandamál og annan þroska- og hegðunarvanda sem rekja má til vanda í miðtaugakerfinu. Þessu markmiði hyggst FFMB ná með því að standa að fræðslufundum fyrir foreldra og fagfólk, sinna útgáfu- og kynningarmálum og stuðla að þjálfun og auknum þroska barna og ungmenna með ofannefnd vandamál.
FFMB gefur út fréttabréf þrisvar á ári. Þar birtast þýddar og frumsamdar greinar og útdrættir úr fyrirlestrum á vegum FFMB auk tilkynninga til félagsmanna. FFMB gefur einnig út samantekt helstu greina úr fréttabréfum allt frá upphafi auk annarra fræðslubæklinga. Öllu þessu efni er dreift ókeypis til félagsmanna og þess fagfólks sem áhuga hefur á að fá fræðsluefni.
FFMB rekur upplýsinga- og fræðsluþjónustu sem opin er tvo tíma á dag. Þar er að finna mikið efni af ýmsu tagi um athyglisbrest með ofvirkni og skyldar raskanir (ADHD/DAMP), jafnt bækur og tímarit, myndbönd og úrklippur, ætlað bæði foreldrum og fagfólki Efnið er að mestu á ensku og Norðurlandamálum auk íslensku. FFMB á gott samstarf við norræn systurfélög sín.
Framtíðarmarkmið FFMB er að koma þessari fræðslustarfsemi í öruggar hendur færasta fagfólks og á öruggan rekstrargrundvöll með opinberum stuðningi.

Foreldra og styrktarfélag heyrnardaufra
Laugavegi 26, 101 Reykjavík, sími 561 3560, bréfsími 5513567.

Foreldra og styrktarfélag heyrnardaufra var stofnað 16. september 1966. Markmið félagsins er að halda uppi fræðslustarfsemi meðal foreldra heyrnardaufra og auka samstarf þeirra á meðal í þágu hinna heyrnardaufu. Ennfremur að styðja og styrkja starfsemi Vesturhlíðarskólans, aðstoða heyrnardaufa til framhaldsmenntunar og við val á lífsstarfi og að styrkja og greiða fyrir heyrnardaufu fólki á hvern þann hátt annan sem unnt er.

Félagið var stofnað 9. október 1979. Markmið þess er að styðja við réttindabaráttu geðsjúkra sem víðast á vettvangi.
Félagið rekur upplýsinga- og félagsmiðstöð fyrir fólk með geðræn vandamál og gefur út tímaritið Geðhjálp tvisvar á ári. Félagið er jafnframt rekstraraðili að stuðningsþjónustu við geðsjúka með aðsetur að Bárugötu 19.
Framtíðarverkefni félagsins eru að sinna áfram félagslegum þörfum, endurhæfingu og hjálp út í lífið til sjálfsbjargar fyrir þennan hóp öryrkja.

Geðverndarfélag Íslands var stofnað 17. janúar 1950. Markmið þess er endurhæfing geðsjúkra og fræðslustarfsemi.
Geðverndarfélagið rekur tvö sambýli ásamt endurhæfingarstöð. Félagið gefur út tímaritið Geðvernd, ásamt smáritum til að stuðla að aukinni fræðslu um sjúkdóminn.
Framtíðarverkefni félagsins er að bæta við fleiri sambýlum og styðja við bakið á geðsjúklingum, svo sem unnt er.

Gigtarfélag Íslands
Ármúla 5, 108 Reykjavík. Sími 530-3600, bréfsími 553-0765.

Gigtarfélag Íslands var stofnað 9. október 1976 og er landssamtök gigtarsjúklinga. Félagar eru rúmlega 3.000. Álitið er að.þ.b. 50.000 Íslendingar eigi við gigt að stríða.
Baráttumál félagsins eru: Forvarnir, svo sem fræðsla, skipulögð þjálfun og efling rannsókna. Bætt meðferð og endurhæfing gigtsjúkra. Aukinn skilningur almennings á gigtarsjúkdómum og áhrifum þeirra á einstaklinga og samfélag.
Landshlutadeildir eru starfandi á Norður- og Suðurlandi, en einnig starfa áhugahópar innan félagsins um hina ýmsu gigtsjúkdóma.
Félagið rekur gigtarmiðstöð að Ármúla 5 í Reykjavík Í mistöðinni er gigtlækningamiðstöð og þar er sjúkraþjálfun, iðjuþjálfun og aðstaða fyrir gigtarsérfræðinga. Einnig er þar aðstaða til félags- og fræðslustarfs, auk hópþjálfunar. Tímarit félagsins, Gigtin, kemur út tvisvar á ári. Félagið er þáttakandi í Norræna gigtarráðinu.

Heyrnarhjálp
Snorrabraut 29, 105 Reykjavík, sími 551 5895, bréfsími 551 5835.

Félagið Heyrnarhjálp er félag heyrnarskertra. Það var stofnað 14. nóvember 1937. Aðalmarkmið þess var þá að útvega heyrnartæki og önnur hjálpartæki fyrir heyrnarskerta. Í áranna rás hefur starfsemi félagsins breyst með tilkomu Heyrnar-og talmeinastöðvar Íslands.
Félagið rekur þjónustuskrifstofu, þar sem veittar eru upplýsingar og leiðsögn. Þar eru og seldar rafhlöður í heyrnartæki, tónmöskvar, heyrnar og þrýstingsmælar o.m.fl.
Framtíðarverkefni eru fyrst og fremst að efla félagslega heild heyrnarskertra og vinna að hagsmunamálum þeirra. Einnig að stuðla að bættu aðgengi fyrir þennan hóp fatlaðra, svo sem með því að tónmöskvar verði settir upp í sem flestum opinberum byggingum. Loks er það framtíðarmarkmið að aðstoð við heyrnarskerta nemendur verði svo öflug að þeir heltist ekki úr lestinni, heldur njóti jafnréttis við aðra hvað varðar möguleika til menntunar.

Samtökin voru stofnuð 5. júní 2003 af notendum í bata sem átt hafa við geðræna erfiðleika að stríða og iðjuþjálfum með víðtæka reynslu af geðheilbrigðismálum. Markmið Hugarafls er að vinna að verkefnum sem geta bætt geðheilbrigðisþjónustu, miðla notendasýn, vinna að verðmætasköpun, skapa hlutverk og vinna gegn fordómum með sýnileika og stuðla að atvinnusköpun út frá reynslu notenda.

Kraftur stuðningsfélag fyrir ungt fólk sem greinst hefur með krabbamein og aðstandendur þeirra

LAUF Landssamtök áhugamanna um flogaveiki
Tryggvagötu 26, 4. hæð, 101 Reykjavík. Pósthólf 5182, 125 Reykjavík, sími 551 4570, bréfsími 551 4580. Skrifstofan er opin alla virka daga frá kl. 8:30 til 15:00.

Landssamtök áhugamanna um flogaveiki (LAUF) voru stofnuð 31. mars 1984. Markmið samtakanna allt frá upphafi hafa verið:
Að auka tengsl milli flogaveikra um allt land.
Að fræða og upplýsa félagsmenn og almenning um flogaveiki.
Að styðja rannsóknir á flogaveiki hér á landi.
Að bæta félagslega aðstöðu flogaveikra.
Innan félagsins er starfandi öflugt foreldrafélag og sjálfsjálparhópar. Félagið heldur uppi fræðslustarfi fyrir fagfólk og almenning. Félagið gefur út fræðslubæklinga, fræðslumyndbönd og tímaritið LAUF.
Framtíðarverkefni eru að stórefla forvarnir, fræðsluherferð, ráðgjafarþjónusta, stofna ungliðahóp og koma á fót opnu húsi fyrir félagsmenn. Einnig er stefnt að því að efla tækjakost í þágu flogaveikra og m.a. safna fyrir aflestrartæki.

Samtökin Litlir Englar eru ætluð þeim sem að hafa misst börn sín í móðurkviði í fæðingu eða stuttu eftir fæðingu sem og þeim sem að þurfa að binda enda á meðgönguna vegna alvarlegs fæðingargalla barns síns. Samtökin voru stofnuð þann 26. janúar 2002. Aðal markmið samtakanna er að styðja hvert annað í þessari erfiðu reynslu og miðla af upplýsingum og reynslu til þeirra sem að lenda í þessari sáru lífsreynslu. Einnig eru samtökin opin öllum þeim sem telja sig þurfa á þeim að halda.

MG-félag Íslands var stofnað 29. maí 1993. MG-félag Íslands er félag sjúklinga með sjúkdóminn Myasthenia gravis (vöðvaslensfár), aðstandenda þeirra og annarra sem áhuga hafa á málefninu.
Markmið MG-félagsins er að kynna sjúkdóminn og styðja við bakið á sjúklingunum og fjölskyldum þeirra. Nauðsynlegt er að ná til sjúklinganna og rjúfa einangrun þeirra.
Félagið hefur haldið fundi þar sem fyrirlestrar, bæði innlendir og erlendir, hafa komið fram með ýmsan fróðleik. Tekið þátt í sýningum og norrænu samstarfi. Félagið lét gera texta við mynd um einkenni MG-sjúkdómsins.
Félagið hefur gefið út bækling sem skýrir sjúkdóminn Myasthenia gravis.
Félagið gefur út lyfjakort fyrir sjúklinga með Myasthenia gravis (vöðvaslensfár) sjúkdóminn. Á kortinu er skrá yfir nokkur lyf sem MG-sjúkir eiga að forðast.
Það er mikið öryggi fyrir sjúklingana að geta borið á sér kort sem bæði lýsir sjúkdómnum og aðvarar um lyf sem MG-sjúkir eiga að forðast.

MND-félag Íslands
Norðurbraut 41, 220 Hafnafirði. Sími 565-5727. Tölvupóstur: mnd@islandia.is

MND - Motor Neurone Disease eða ALS - Amuotropia Lateral cslerosis.
MND-félag Íslands var stofnað 20. febrúar 1993. Markmið félagsins er að vinna að hagsmunum MND-sjúklinga pg styðja við bakið á þeim á félagslegan og á andlegan hátt. Félagið vinnur að gerð sjónvarpsmyndar um sjúkdóminn.

Málbjörg félag um stam
Hátúni 10b, 105 Reykjavík, pósthólf 10043, 110 Reykjavík. Sími 551-7744
Tölvupóstfang: malbjorg@visir.is. Opið á þriðjudögum frá 16:30 til 18:00.

Félagið var stofnað 10. október 1991. Markmið þess eru að gefa þeim sem stama möguleika á að hjálpa hver öðrum með því að ræða saman í góðu umhverfi, standa vörð um hagsmuni þeirra sem stama gagnvart yfirvöldum, skólum og atvinnulífi og auka þekkingu þeirra sem stama og annarra á stami, vandamálum þeirra sem stama og meðferðum við stami.
Félagið hefur staðið fyrir fræðslufundum um stam, gefið út bæklinga um stam barna og beitt sér á annan hátt fyrir auknu upplýsingastreymi um stam, auk þess að þrýsta á yfirvöld um aukna aðstoð við fólk og þá sérstaklega börn, sem stama. Formaður félagsins er Björn Tryggvason.

Ný dögun, samtök um sorg og sorgarviðbrögð
Laugavegi 7, 3 hæð 101 Reykjavík Sími: 551 6755 Skrifstofan er opin: þriðjudögum og fimmtudögum kl. 13:00-16:00 og miðvikudögum kl. 9:00-12:00

Parkinsonsamtökin á Íslandi voru stofnuð 3. desember 1983. Á Akureyri er sérstök deild samtakanna. Markmið samtakanna er að aðstoða Parkinsonsjúklinga og aðstandendur þeirra við að leysa þann vanda sem sjúkdómnum fylgir. Ennfremur að afla upplýsinga og dreifa þeim, styðja rannsóknir á Parkinsonveiki, halda almenna félagsfundi til að veita fræðslu og skemmtun og ræða sameiginleg vandamál félagsmanna. Samtökin gefa út fréttabréf a.m.k. fjórum sinnum á ári.
Framtíðarverkefni samtakanna er útgáfa fræðslurita um Parkinsonveiki fyrir sjúklinga og almenning. Þá hafa samtökin hug á að stofna dagvist og sambýli fyrir Parkinsonsjúklinga.

Samhjálp kvenna
Skógarhlíð 8 Símanúmer: 540 1900 og 898 1712. Viðtals- og símatími: á þriðjudögum kl. 13:00 til 16:30.

Félagið var stofnað 15. nóvember 1972. Markmið þess er að fræða félagsmenn um sjúkdómana psoriasis og exem, auka skilning á þeim meðal almennings og eyða fordómum um þá. Barátta fyrir ýmsum hagsmunum sjúklinganna er einnig ofarlega á verkefnaskrá félagsins.
Félagið starfrækir göngudeild, þar sem sjúklingum er veitt ljósameðferð og aðstoð sérmenntaðs starfsfólks.
Framtíðarverkefni eru fyrst og fremst á sviði fræðslu og kynningarmála. Einnig er lögð áhersla á aðstoð við kaup á ljósalömpum til nota fyrir psorioasis- og exemsjúklinga á heilsugæslustöðvum víðsvegar um land.

Samtök sykursjúkra
Hátúni 10b, 105 Reykjavík. Sími 562 5602. Fax 562 5715 Tölvupóstfang: diabetes@itn.is. Þjónustusetrið er opið 13-17.

Samtök sykursjúkra voru stofnuð 25. nóv. 1971.
Tilgangur félagsins er að halda uppi fræðslu um sykursýki, vinna að því að komið verði á fót sérhæfðri lækningastöð fyrir sykursjúka með sérmenntuðu starfsliði og að bæta félagslega aðstöðu sykursjúkra.
Félagar geta orðið sykursjúklingar, fagfólk í sykursýki og velunnarar sem styðja vilja tilgang félagsins. Styrktaraðild geta átt einstaklingar, félagasamtök og stofnanir, þar með talin fyrirtæki.
Jafningjafræðsla stjórnar er á miðvikudögum frá 17-19.

SÍBS var stofnað 24. október 1938. Markmið sambandsins er að sameina sjúklinga með berkla, brjóstholssjúkdóma, ofnæmi og svefnháðar öndunartruflanir. Ennfremur að vinna að því að heilbrigðisþjónusta og félagsleg aðstaða þessara sjúklingahópa verði jafnan sem fullkomnust, að hafa samstarf við hliðstæð félög, innlend og erlend, um markmið SÍBS og að stuðla að fræðslu um áður nefnda sjúkdóma og rannsóknum á þeim.
SÍBS er byggt upp af svæðisbundnum deildum sem nú eru sjö talsins, auk deilda á Reykjalundi og Vífilsstöðum og sérstökum deildum sem eru Astma og ofnæmisfélagið, Landssamtök hjartasjúklinga og Samtök lungnasjúklinga.
SÍBS starfrækir Reykjalund, sem greinist annars vegar í endurhæfingarmiðstöð (sjúkrahús), hins vegar öryrkjavinnustofur (iðnaðardeildir), Múlalund, vinnustofu SÍBS í Reykjavík og Happdrætti SÍBS. Einnig stendur SÍBS að rekstri Múlabæjar og Hlíðabæjar í Reykjavík í samvinnu við Reykjavíkurdeild Rauða krossins og Félag eldri borgara.
Framtíðarverkefni SÍBS eru meðal annars að vinna áfram að settum markmiðum sambandsins og stuðla að því að landsmönnum bjóðist endurhæfingarþjónusta sem að umfangi og gæðum er sambærileg við það sem best gerist í nágrannalöndunum.

Sjálfsbjörg, landssamband fatlaðra var stofnað 4. júní 1959. Markmið þess er að stuðla að jafnrétti hreyfihamlaðra á öllum sviðum þjóðfélagsins, m.a. með því að tryggja þeim atvinnu, menntun og húsnæði við hæfi og gera umhverfið eins aðgengilegt og hægt er. Ennfremur að tryggja að þeir, sem ekki geta aflað sér tekna með eigin vinnu, fái mannsæmandi lífeyri til eigin framfærslu. Aðildarfélög Sjálfsbjargar, landssambands fatlaðra eru 17 talsins víðsvegar um landið.
Sjálfsbjörg á húseignina að Hátúni 12 þar sem skrifstofur landssambandsins og Sjálfsbjargar á höfuðborgarsvæðinu eru til húsa. Sjálfsbjörg gefur út fréttablaðið Klifur sem kemur út fjórum sinnum á ári. Ennfremur gefur Sjálfsbjörg út fræðslurit og bæklinga.
Að Hátúni 12 er Sjálfsbjargarheimilið til húsa, Starfsemi þess skiptist í eftirfarandi meginþætti: Heimili, dagvist endurhæfingaríbúð og sundlaug.
Í tengslum við starfsemi Sjálfsbjargar á Akureyri er einnig rekin endurhæfingarstöðin Bjarg.
Framtíðarverkefni Sjálfsbjargar eru að halda áfram baráttunni fyrir bættu aðgengi, þ.á.m. að berjast fyrir því að allar opinberar byggingar og þjónustuhúsnæði verði aðgengilegar hreyfihömluðum, og vinna að því að heimaþjónusta verði efld í öllum sveitafélögum.

SKB var stofnað 2. september 1991 af foreldrum barna með krabbamein. Félagið er ekki rekið í ágóðaskyni en starfar fyrst og fremst sem sjálfshjálparhópur fjölskyldna barna sem fengið hafa krabbamein. Allir sem áhuga hafa á málefnum krabbameinssjúkra barna geta gerst félagar í SKB. Einungis foreldrar barna sem fengið hafa krabbamein hafa þó rétt til stjórnarsetu. Aðalfundur er haldinn í lok október á ári hverju.
Tilgangur SKB er að gæta hagsmuna krabbameinssjúkra barna og aðstandenda þeirra á öllum sviðum innan sjúkrahúsa og utan.

Styrktarfélag lamaðra og fatlaðra
Háaleitisbraut 11 - 13, 108 Reykjaví, sími 581 4999, bréfsími 581 4998 og e-mail: stlf@islandia.is.

Styrktarfélag lamaðra og fatlaðra (SLF) var stofnað 2. mars 1953. Félagið annast umfangsmestu sjúkra- og iðjuþjálfun barna á landinu. Markmið félagsins er að veita lömuðu og fötluðu fólki, einkum börnum, allan þann stuðning sem félagið hefur tök á og getur stuðlað að aukinni orku, starfshæfni og velferð þess.
Undanfarin ár hefur rekstur félagsins í meginatriðum verið tvenns konar: Annars vegar rekstur Æfingastöðvarinnar að Háaleitisbraut 11 - 13 í Reykjavík en þar hefur nýverið verið tekin ný sundlaug í notkun og hins vegar rekstur sumarbúðar í Reykjadal Mosfellsbæ en þar er helgarvistun yfir vetrarmánuðina.

Styrktarfélag vangefinna var stofnað 23. mars 1958. Markmið þess er að vangefnu fólki verði veitt sem ákjósanlegust skilyrði til þess að ná þeim þroska, sem hæfileikar þess leyfa og að sem flest almenn tilboð standi því til boða í námi, leik og starfi. Ennfremur að koma á fót heimilum, stofnunum og vinnustöðum fyrir þennan hóp og reka slíka staði, ef ástæða er til. Þá vill félagið styrkja og styðja þá sem starfa með vangefnu fólki, m.a. með því að styðja það til náms og einnig að annast kynningu á málefnum vangefinna með útgáfustarfsemi og fræðslufundum, og aðstoða foreldra og aðstandendur eftir bestu getu.
Styrktarfélag vangefinna rekur eftirtaldar stofnanir í Reykjavík: Dagheimilið Lyngás, hæfingarstöðina Bjarkarás, þjálfunarstofnunina Lækjarás, vinnustofuna Ás, átta sambýli og að auki annast starfsfólk á vegum félagsins eftirlit og umsjón með um tuttugu íbúðum, þar sem fatlaðir búa.
Meðal framtíðarverkefna félagsins eru kaup á fleiri íbúðum fyrir fatlaða og að bæta og efla þá þjónustu sem fyrir er. Þá er aðkallandi að fjölga dagheimilum og skammtímaheimilum.

Tourette Samtökin á Íslandi
Hátúni 10b, 105 Reykjavík. Sími 551-4890. Skrifstofa samtakanna er opin alla þriðjudaga frá kl. 09.00 - 12.00

Tourette Samtökin á Íslandi voru stofnuð 24. september 1991 og starfa á landsvísu.
Markmið samtakanna er að halda vörð um hagsmuni Tourette-einstaklinga og fjölskyldna þeirra. Haldnir eru félagsfundir, gefið út fréttabréf til félagsmanna. Auk þess gefa samtökin út bæklinga um TS.Framtíðarmarkmið eru að efla þekkingu og skilning þjóðfélagsins á Tourette Syndrome, og að eignast sterka félagsmiðstöð. Félagar í samtökunum geta orðið TS-einstaklingar og fjölskyldur þeirra. Styrktaraðild geta þeir átt er áhuga hafa á málefninu.

Umsjónarfélag einhverfra
Hátúni 10b, 105 Reykjavík. Skrifstofan er opin á þriðjudögum kl. 9-14. Sími: 562-1590, fax: 562-1526 og talhólf: 881-1113.

Umsjónarfélag einhverfra var stofnað árið 1977. Umsjónarfélag einhverfra er félagsskapur foreldra, fagfólks og allra þeirra sem áhuga hafa á hagsmunamálum einhverfra einstaklinga.
Markmið félagsins eru m.a. að efla fræðslu um einhverfu meðal félagsmanna sinna og ekki síður meðal almennings. Félagið stendur vörð um hagsmunamál einhverfra og veitir aðstandendum þeirra stuðning.
Félagið hefur gefið út fræðslubæklinga og bók. Námskeið sem snúa að einhverfu hafa verið haldin á vegum félagsins.
Framtíðarverkefni félagsins eru m.a. að komið verði á heildstæðri þjónustu fyrir einhverfa frá því að einstaklingurinn greinist með fötlunina. Eitt af brýnustu baráttumálum félagsins er að komið verði á fót meðferðarheimili fyrir einhverfa og að úrræði fyrir einhverfa einstaklinga, eins og t.d. skammtímavist, anni eftirspurn. Fjölga þarf félagsmönnum og efla þekkingu á einhverfu í samfélaginu.

Öryrkjabandalag Íslands
Hátúni 10, 105 Reykjavík. Sími: 5306700, Fax: 5306701 Netfang: obi@obi.is